اپنی مصنوع یا سروس کو پروموٹ کرنے (فروغ دینے) کے طریقے

مارکٹنگ محض اشتہار بازی کی مہم کے علاوہ اور بھی کچھ ہے؛ یہ آپ کی بزنس کے لئے آمدنی کا سبب ہونی چاہیئے۔ اپنی مصنوع یا سروس کو فروغ دینے کے مختلف طریقے سمجھنا اپنی بزنس کے لئے صحیح فیصلے کرنے میں آپ کی مدد کرسکتا ہے۔

پرِنٹ اور گرافِک آرٹس (اشاعتی اور نقش نویسی کے فن) کے ذرائع

چھپائی والے ذرائع کئی آپشن یعنی انتخاب کے راستے پیش کرتے ہیں، بمعہ: بروشرز (معلوماتی چوورقے)، بزنس کارڈ، اخباروں میں اشتہار اور میگزین (رسالے)۔ ان میں سے آپ کون سا راستہ انتخاب کرتے ہیں، اس کا انحصار اس پیغام کی نوعیت پر ہے جو آپ اپنے گاہکوں کو بھیجنا چاہتے ہیں۔

• بروشر (معلوماتی چوورقے)، پوسٹر اور پیکجنگ قیمت کے لحاظ سے آپ کی مصنوعات اور سروسز کے بارے میں کئی قسم کے پیغامات اور تفصیلی معلومات فراہم کرنے کا ایک مئوثر طریقہ ہیں۔
• بزنس کارڈ رابطوں کا جال پھیلانے کے لئے آپ کی سرگرمیوں کی معاونت میں استعمال کئے جاسکتے ہیں اور یہ ممکنہ گاہکوں کو آپ سے رابطہ کرنے کی معلومات مہیا کرتے ہیں جن کی ان کو ضرورت ہے۔
• مقامی اخباروں میں اشتہار بازی اپنی کمیونٹی یا آبادی میں لوگوں تک پہنچنے کا ایک طریقہ ہے اور آپ کا پیغام بار بار ان کے سامنے رکھ کر آپ کی بزنس کے لئے ایک مضبوط تر مقامی موجودگی کو جنم دیتا ہے۔
• میگزین (رسالے) کی فوقیت یہ ہے کہ ان کے ٹارگٹ یعنی نشانہ بنائے گئے توجہ کے مرکز باقاعدہ پڑھنے والے خاص تر سامعین ہوتے ہیں جو ان رسالوں کے موضوعات میں دلچسپی رکھتے ہیں۔

الیکٹرونک (برقی) میڈیا

الیکٹرونک میڈیا ان ذرائع ابلاغ کے لئے ایک عام اصطلاح ہے جو مواد تک رسائی کے لئے الیکٹرونک یعنی برقی آلہ استعمال کرتے ہیں۔ الیکٹرونک ذرائع ابلاغ کی عام ترین ساختوں میں سے کچھ میں شامل ہیں ٹیلیویژن، ریڈیو، اِنٹر نیٹ اور منقولہ (یعنی ہاتھ میں پکڑ کر لیجانے والے) آلات کے مواد۔

• ٹیلیویژن کا مواد دوسرے ذرائع ابلاغ کی نسبت سامعین کا زیادہ وقت تسخیر کرتا ہے اور اس کا نشانہ یا ٹارگٹ گھریلو سامعین ہوتے ہیں۔
• ریڈیو لاگت کے لحاظ سے مئوثر ہوتا ہے، اور اس کے سامعین معمول کے مطابق ایک ریڈیو سٹیشن کے پروگرام کے طریقے یا ڈھانچے کے ساتھ وفادار ہوتے ہیں۔
• اِنٹر نیٹ آپ کی مصنوع یا سروس کو ویب سائٹ یا ای میل کے ذریعے اپنی مصنوع یا سروس مارکیٹ کرنے کے کئی قسم کے مختلف طریقے فراہم کرتا ہے۔
• سیل فون اور سمارٹ فون مارکٹنگ حکمتِ عملی کے ایسے طریقے فراہم کرتے ہیں جو آپ کو اپنے گاہکوں کے ساتھ ان کے منقولہ آلات پر براہِ راست رابطہ کرنے دیتے ہیں۔
• سوشل (یعنی سماجی اور اجتماعی) ذرائع ابلاغ کے ذریعے مارکیٹنگ آپ کے گاہکوں اور آپ کی بزنس کے درمیان مختلف سوشل نیٹ ورکنگ سائٹس کے ذریعے آن لائن ربط ضبط کی حوصلہ افزائی کرتے ہیں۔

(بزنس کو) فروغ دینے کے اضافی آئیڈیاز یا خیالات

(بزنس کو) فروغ دینے کے تحفے تحائف، جیسا کہ پین، کنجیوں کے چھلے اور کیلنڈرز، اپنی کمپنی کے لئے ایک مثبت رائے کو پیدا کرنے اور اس کی شہرت بہتر بنانے کے لئے ان افراد اور گروپس کو دئے جاسکتے ہیں جن کو آپ ذاتی طور پر جانتے ہیں۔

نیٹ ورکنگ (یعنی رابطوں کا جال بنانا) اور کمیونٹی کی شمولیت بھی آپ کی بزنس کو فروغ دینے میں مدد کرسکتی ہیں۔ آپ ٹریڈ شوز (یعنی تجارتی میلے)، کانفرنس، کمیونٹی کے پروگرام اور دوسری سماجی اور اجتماعی سرگرمیوں میں شمولیت کرکے نئے رابطے بنا سکتے ہیں اور ممکنہ گاہکوں تک رسائی حاصل کرسکتے ہیں۔ لوگوں سے اپنی بزنس کے بارے میں بات کرنا اپنی مصنوع یا سروس کو فروغ دینے کے مئوثر ترین طریقوں میں سے ایک ہے۔

اپنی مارکٹنگ حکمتِ عملی کو پلان کرنا اپنی مصنوع یا سروس کو فروغ دینے کے بہترین طریقے کا تعین کرنے میں، اور مقرر کردہ اہداف کی نسبت سے اپنی کامیابی کو ناپنے میں، آپ کی مدد کرے گا اور آپ پر واضح کرے گا کہ آپ کی حکمتِ عملی کو کہاں ردوبدل کی ضرورت ہوسکتی ہے۔

اپنی مصنوع یا سروس کو فروغ دینے اور بزنس کے دوسرے موضوعات پر مزید معلومات کے لئے، Canada Business Ontario / Entreprises Canada Ontario سے آج ہی رابطہ کریں۔ ٹیلیفون سروسز ایگریزی یا فرانسیسی میں دستیاب ہیں۔